బేబీ టపాస్ :
అప్పుల అప్పారావుకు ఆ రోజు అప్పిచ్చువాడు ఎవరూ దొరకక చికాకుగా ఉండడంతో, ఎవడో ఒకడు దొరక్కపోడులే అనుకుని వెళ్ళి గానసభలో కూర్చున్నాడు. ఎవరిదో గాత్రకచేరి జరుగుతోంది.
రెండు కీర్తనల తర్వాత మూడోదిగా "కృష్ణా నీ బేగనే బారో…" కన్నడ కీర్తన అందుకుంది విద్వాంసురాలు.
కీర్తన మధ్యలో ప్రక్కన కూర్చున్న పెద్దాయనతో " యశోదకు ఎంత అవసరమొస్తే అలా అడుగుతుంది పాపం.. కదా?" అన్నాడు అప్పారావు.
"యశోదకు అవసరం రావడమేంటండీ!" బుర్ర గోక్కుంటూ ప్రక్కనాయన అన్నాడు.
"ఏం వింటున్నారు మీరు? - అప్పు చెయ్ , అప్పు చెయ్ - అని పోరడంలే యశోద క్రిష్ణుణ్ణి" అప్పారావు అన్నాడు.
"అప్పేంటీ… యశోద అడగడవేంటి బాబూ ! నాకేం అర్ధం కాట్లా మీరేం మాట్టాడుతున్నారో!"
" అయితే మీరేదో లోకంలో ఉన్నట్టున్నారు. అదుగో మళ్ళీ కూడా ప్రాధేయ పడ్తోంది. వినండి"
కీర్తన తారాస్ధాయికి వచ్చి సభ అంతా చప్పట్లు మ్రోగుతుండగా ఇలా ముగిసింది -
"… బారో… బారో…. బారో… బారో… "
( రా. శా. )
గానగంధర్వులు వ్యాసతీర్ధుల వారికి క్షమాపణలతో.
Comments
Post a Comment