కిర్ కిర్ తలపులు

నిశ్శబ్ద శత్రువు!!

ఇంట్లోకి ఎవరు వచ్చినా తెలుస్తోంది!

దినపత్రిక వస్తే పడిన శబ్దం

పాలవాడి అరుపు శబ్దం

పని అమ్మాయి చేసే గిన్నెల శబ్దం

గాలి వీస్తే తెలుస్తోంది

ఎండ వస్తే తెలుస్తోంది

వెన్నెల ప(పం)డితే తెలుస్తోంది

మూషికం వచ్చిందని 

సగం కొరికిన కూరలు చెబుతున్నాయ్

దొంగ పిల్లి వచ్చిందని

ఖాలీ పాల గిన్నె చెబుతోంది

ఇస్త్రీ వాడొచ్చాడని 

శ్రమ గంధం చెబుతోంది

కూరల అబ్బీ వచ్చాడని 

బీడీ  వాసన చెబుతోంది

సందు చివర నిప్పుల్లో

కాలుతున్న జొన్న కండె ఊరింపు

ఇంటి ముందు తోపుడు బండి వదిలిన

ఇసుక ఉప్పు తో అంట వేగిన వేరుసెనగ సెగ

పీచు మిఠాయి పాకం

మిరపకాయ శెనగపిండితో స్నేహం చేస్తూ 

వేడి వేడి నూనెలో ఈత కొట్టే   శబ్దం

మల్లెలు జాజులు వీధిలోకి వచ్చిన వైనం

అన్నీ నా ఇంద్రియాలకు

తమ ఉనికిని తెలియ చేస్తున్నాయ్ !!

రంగు

రుచి

రూపం

వాసన

లేకనే వచ్చి

14 రోజులు తిష్ఠ వేసాకనే

తెలుస్తోంది - వచ్చింది

"మహమ్మారి" అని!

ఒౌర్ ఇస్ పల్ మే….

కోఈ నహీ హై ...

బస్ ఏక్ మై హూ !

సిరఫ్ అకేలా హూ!!