బేబి టపాస్

“కొంచెం అర్జెంటుగా పోలీసు స్టేషనుకెళ్ళాలి, దారి చెబుతావా బాబూ” కొత్తగా హైదరాబాదు వచ్చిన వ్యక్తి అడిగాడు రోడ్డు మీద కన పడిన ఓ స్టూడెంట్ ని.

“స్ట్రెయిగా ఒక రెండు కిలోమీటర్లు వెళ్ళి, కుడివైపు తిరిగి ఓ ఫర్లాంగు వెళ్ళాక ఎడమవైపు రెండో సందులో ఉంది..” చెప్పాడా స్టూడెంటు కుర్రాడు.

“ఎంతసేపు పట్టచ్చు?” అడిగాడా హైదరాబాదుకి కొత్త మనిషి.

“ఈ హైదరాబాద్ ట్రాఫిక్ లో ఒక అరగంట పట్టచ్చు”

“దగ్గర దారి ఇంకేది లేదా”

“ ఉంది…. ఆ ఎదురుగా వస్తున్న ఆంటీ మెడలో ఉన్న బంగారం గొలుసు గట్టిగాపట్టి గుంజేయండి” చెబుతూ బస్సెక్కేసాడు స్టూడెంట్ కుర్రాడు.

--------------------------------------------------------

ఎడిటర్ : ఏంటి మీరు మా పత్రికకి కార్టూన్లు పంపడం మానేసారు?

కార్టూనిస్టు: కార్టూన్ క్రింద కార్టూనిస్టు పేరుతో పాటు ఇంటి అడ్రస్సు కూడా వేయడం మొదలు పెట్టారుగా మీరు!

---------------------------------------------------------

"ఇదేనండీ... నిన్న చెప్పానే మావారు కొన్న ఇంత బారు కారు, చవకగా దొరికింది" ఇంటి ముందుంచిన కారును చూపిస్తూ చెప్పింది రమాప్రభ పక్కింటి గిరిజకి.

కారును తేరిపార చూసిన గిరిజ కామెంట్ "చవకబారు కారన్నమాట".

----------------------------------------------------------

అతి కష్టంమ్మీద తమ శరీరాల్ని కిక్కిరిసిన seven seater auto లోంచి బయట పడేయగలిగారు బ్రహ్మానందం, ఆలీ.

ఆలీ: బాబాయ్ ... గత జన్మలో ఏవై పుట్టుంటాడు ఈ ఆటో డ్రైవరు.

బ్ర: డౌటే లేదు... అగ్గి పెట్టెలో పట్టే ఆరు గజాల చీరెని నేసిన వాడై ఉంటాడు.

-----------------------------------------------------------

పెళ్ళి విందులో మగ పెళ్ళి వారి వైపు నుండి వచ్చిన ఇద్దరు స్తీృల మధ్య సంభాషణ --

"ఆడ పెళ్ళి వారు బాగా ఉన్న వారటగా!"

"అవును. ప్రొద్దున టిఫినులో టమోటా బాత్ , ఇప్పుడు భోజనాల్లోకి సలాడ్ లో టమోటా, టమోటా పప్పు, టమోటా పచ్చడి, మునగకాయ - టమోటా కూర, టమోటా రసం, ఇవన్నీ చూస్తుంటే తెలియట్లే?"

"బడాయి కాకపోతే ఇంతగా చూపించుకోవాలేంటీ?"

"అంతే కాదు రిటర్న్ గిఫ్టు కింద కవర్లలో రెండు టమోటాలు కూడా ఇస్తున్నారుట"

**********

నీతి:

టమోటా చెట్టు ఒకటి పెరట్లో ఉంటే చాలు - ఇంట్లో శమంతకమణి కూడా అక్కర్లేదు

🏽🏽

-----------------------------------------------------------------

ప్రమాదం లో కాలు పోగొట్టుకున్న అల్లుడిని చూడటానికి వచ్చాడు మామగారు.

పరామర్శ చేసి, జాగ్రత్తలు చెప్పి  తిరిగి వెళ్తూ ఇంటి బయటి దాకా వచ్చిన కూతురు తో అన్నాడు -- "జగర్తగా చూసుకోమ్మా... అసలే కోపిష్టి వాడన్నావ్ . ఇప్పుడెలా ఉంటున్నాడు?"

" ఇప్పుడు అయిందానికీ కాని దానికీ ఒంటి కాలు మీద లేస్తున్నారు నాన్నా" కూతురు సమాధానం.

-------------------------------------------------------------------